Duqayn ayaa ka dhacday magaalada Jilib ee ay gacanta ku hayaan maleeshiyada ururka Al-Shabaab, sidaasi waxaa tebiyey warbaahinta dawladda federaalka Soomaaliya.
Wakaaladda wararka dawladda Soomaaliya ee SONNA ayaa sheegtay in duqaynta lala beegsaday xarunta ururka Al-Shabaab ee Jilib, iyadoo intaas ku dartay inuu khasaare jiro.
Warbixinta ayaa intaas ku dartay in khasaaraha uu isugu jiro dhimasho, dhaawac iyo xarumo la burburiyay, balse lama faah-faahin tirada ama heerka khasaaraha
Hawlgalkan ayaa ahaa mid wadajir ah oo ay wada sameeyeen hay’adaha amniga Soomaaliya iyo saaxiibada caalamka, sida ay qortay SONNA
