Wararka ka inaga soo gaaraya degmada Wadajir ayaa sheegaya in koox hubeysan ay maanta barqadii ku dileen halkaasi wiil dhalinyaro ahaa.
C/raxmaan Cumar Abshiroow oo ay walaalo ahaayeen gudoomiye kuxigeenka labaad ee golaha shacabka soomaaliya C/llaahi Cumar Abshiroow ayaa la toogtay.
Dableyda falka fulisey ayaa baxsaday kadib dilka waxaana daqiiqado kadib meesha laga qaaday meydka marxuumka.
Ilaa hadda lama oga sababta loo dilay marxuum C/raxmaan Abshiroow iyadoo wararka qaar ay sheegayaan in aano qabiil loo beegsaday.
